У матчы чэмпіянату Расіі супраць грозненскага «Церака» 28 жніўня кіраваць «Уралам» замест Віктара Ганчарэнкі будзе Юрый Мацвееў, які ўваходзіць у штаб беларускага спецыяліста, паведаміла ў чацвер прэс-служба екацярынбургскага клуба.
«Сам Віктар Міхайлавіч, які застаецца ў дадзены момант галоўным трэнерам уральскай каманды, з прычын асабістага характару адсутнічае ў размяшчэнні клуба», — сцвярджаецца ў рэлізе. «Урал» «па-ранейшаму разлічвае на Віктара Ганчарэнку як на галоўнага трэнера каманды і выступае рэзка супраць спекуляцый у шэрагу СМІ пра прычыны яго часовай адсутнасцi ў Екацярынбургу».
Ганчарэнка вярнуўся ў Мінск 25 жніўня. Паводле звестак расійскіх СМІ, трэнер падаў заяву аб сыходзе ў сувязі з магчымым дагаворным характарам матчу «Урал» — «Церак». Пакуль Ганчарэнка захоўвае маўчанне.
Цяпер чытаюць
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары