Жыхар Дзятлава прайграў грошы і інсцэніраваў іх крадзеж.
Як паведамляе УУС Гродзенскага аблвыканкама, у пачатку жніўня ў міліцыю паступіла паведамленне аб крадзяжы з кватэры. Мужчына знаходзіўся на працы, а тым часам зламыснік пранік у дом. Ён перавярнуў уверх дном усю кватэру, знайшоў 2.120 долараў ЗША і 9.350.000 рублёў, якія і ўкраў.
Падчас расследавання стала з'яўляцца цікавая інфармацыя пра пацярпелага. Паводле слоў яго знаёмых, з якімі гутарылі следчыя, стала вядома, што мужчына быў не супраць пагуляць на гульнявых аўтаматах.
Праўда, пры асабістай гутарцы з супрацоўнікамі міліцыі ён наогул адмаўляў наяўнасць у сябе гульняманіі. Аднак высветлілася, што жыхар Дзятлава сапраўды спускаў грошы на гульнявых аўтаматах, і напярэдадні знаходзіўся ў Гродне ў адным з гульнявых клубаў, дзе і прайграў буйную суму грошай.
Каб пазбегнуць папрокаў з боку жонкі і бацькоў, мужчына вырашыў інсцэніраваць крадзеж.
Ён сам перавярнуў усе рэчы ў доме, разбіў тэлевізар і адчыніў акно на кухні. Затым адправіўся на працу, а пасля прыйшоў дамоў, патэлефанаваў бацькам, пасля чаго звярнуўся ў міліцыю.
Справа распачата на падставе артыкула 401 КК (заведама лжывае паказанне).
Цяпер чытаюць
«Для беларускіх уладаў я, хутчэй, магчымасць, а не пагроза». Калеснікава дала вялікае інтэрв’ю Золатавай77
Каментары