
Назіральнікі змогуць карыстацца прыладамі відэа- і аўдыязапісу толькі з дазволу выбарчых камісій. Гэта вынікае з адказу кіраўніка Цэнтрвыбаркама, атрыманага рухам «За Свабоду» ў адказ на свой зварот.
У адпраўленым 15 верасня звароце рух «За Свабоду», які мае намер вылучыць больш за 200 назіральнікаў за правядзеннем прэзідэнцкіх выбараў, цікавілася іх правам мець пры сабе і карыстацца фотаапаратурай, тэхнікай для відэа- і аўдыязапісу, а таксама аптычнымі прыстасаваннямі. Арганізацыя хацела высветліць, ці атрымаюць назіральнікі такую магчымасць, ці будзе гэта рэгламентавацца нейкімі афіцыйнымі дакументамі або інструкцыямі Цэнтральнай камісіі.
У адказе за подпісам Лідзіі Ярмошынай адзначаецца, што ў арт. 13 Выбарчага кодэкса размешчаны вычарпальны пералік паўнамоцтваў асоб, якія з'яўляюцца назіральнікамі. «Такім чынам, названыя вамі дзеянні выходзяць за межы нарматыўных прадпісанняў названага артыкула. Задавальненне просьбы назіральніка аб вядзенні фота-, відэаздымкі, а таксама аўдыёзапісу з'яўляецца правам, але не абавязкам выбарчай камісіі», — гаворыцца ў адказе.
Што да спецыяльных аптычных прыбораў, то Ярмошына падкрэсліла, што «іх выкарыстанне для ажыццяўлення назірання на ўчастку для галасавання выбарчым заканадаўствам не прадугледжана».
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі

«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце

Каментары