Папулярнай сацыяльнай сетцы «УКантакце» ўдалося пазбегнуць буйнога штрафу па пазове студый гуказапісу Universal Music і Warner Music аб парушэнні аўтарскіх правоў.
Арбітражны суд Санкт-Пецярбурга і Ленінградскай вобласці часткова задаволіў іх пазоў і абавязаў сацсетку ўкараніць тэхналогію фільтрацыі аўдыёфайлаў.
«Суд задаволіў патрабаванне гуказапісвальных кампаній абавязаць «УКантакце» стварыць эфектыўную сістэму, якая выключала б магчымасць загрузкі пірацкага аўдыёкантэнту на сайт, што азначае, што сетка павінна выдаліць усе нелегальныя трэкі, якія належаць кампаніям, і прадухіліць іх з'яўленне на сэрвісе ў будучыні», — цытуе ТАСС заяву прэс-службы Міжнароднай федэрацыі вытворцаў фанаграм (IFPI).
У спагнанні з «УКантакце» буйнога штрафу на суму 36 млн рублёў пазоўнікам адмоўлена. Пры гэтым у IFPI адзначылі, што рашэнне суда «з'яўляецца знакавым, і яго выкананне палепшыць умовы, неабходныя для развіцця ліцэнзійнага музычнага рынку ў Расіі».
У чэрвені той жа суд задаволіў пазоў да сацсеткі аб незаконным размяшчэнні песень Рыгора Лепса і загадаў выплаціць студыі «Нікіцін Медыя Дыджытал Кантэнт» 750 тысяч рублёў (13,2 тысяч даляраў).
-
Кітайская кампанія прэзентавала першага поўнапамернага робата-гуманоіда, які адчувае дотык і бегае марафоны
-
Кампанія OpenAI прыняла рашэнне канчаткова адключыць сваю папулярную мадэль штучнага інтэлекту ChatGPT-4o
-
Канец эпохі цалкам бясплатнага ШІ? У ChatGPT з'яўляецца рэклама, і вось як яна будзе выглядаць
Каментары