30 верасня на палігоне Баграмян у Армавірскай вобласці Арменіі адбылася ўрачыстая цырымонія адкрыцця вучэнняў з міратворчымі сіламі дзяржаў — членаў Арганізацыі Дагавора аб калектыўнай бяспецы (АДКБ) «Непарушнае братэрства — 2015».
Як паведамляе прэс-служба Міністэрства абароны Беларусі, пасля ўрачыстай часткі кантынгенты Калектыўных міратворчых сіл (КМС) АДКБ пачалі першы этап вучэнняў, у ходзе якога адпрацоўваюцца пытанні падрыхтоўкі органаў ваеннага кіравання і падраздзяленняў да выканання міратворчых задач.
Кіраўніцтву сумесных вучэнняў і камандаванню КМС АДКБ на практычным занятку неабходна вывучыць працэс падрыхтоўкі прапаноў у праекты рашэнняў статутных органаў АДКБ на правядзенне аперацыі па падтрыманні міру.
У наступным будзе адпрацаваны парадак фарміравання КМС АДКБ у раёне правядзення міратворчай аперацыі і парадак арганізацыі падрыхтоўкі органаў кіравання, падраздзяленняў да выканання міратворчых задач.
Акрамя таго пройдуць практычныя заняткі па агнявой, ваенна-медыцынскай, інжынернай падрыхтоўцы, падчас якіх будуць даведзеныя: тактыка-тэхнічная характарыстыка лазернай сістэмы «Майлс» і яе прымяненне, асаблівасці выканання задач па гуманітарным размініраванні мясцовасці, а таксама паказана разгортванне ваенна-палявога шпіталю.
Падчас занятку пытанні па міжнародным гуманітарным праве давядуць прадстаўнікі Міжнароднага камітэта Чырвонага Крыжа.
У той жа час беларускія міратворцы сумесна з асабовым складам кантынгентаў узброеных сіл Арменіі, Казахстана, Кыргызстана і Расіі пачнуць выкананне вучэбна-баявых задач.
Да канца дня камандуючаму аб'яднанага камандавання КМС АДКБ будзе ўручана рашэнне Савета Калектыўнай бяспекі на правядзенне аперацыі па падтрыманні міру.
Цяпер чытаюць
Мужу вядомай беларускай адвакаткі далі ў Расіі 9 гадоў калоніі за хабары. А іх сумесную кватэру ў Выбаргу цішком прадалі5
Мужу вядомай беларускай адвакаткі далі ў Расіі 9 гадоў калоніі за хабары. А іх сумесную кватэру ў Выбаргу цішком прадалі
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»1010
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»10
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра2626
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра26
«Што, грохнуць дзяцей Ціханоўскай, каб звярнулі ўвагу на маю праблему?» Як тупы каментар актывіста Дзяніса Дашкевіча стварыў яму праблемы ў Польшчы2929
Каментары