У Маскве паліцэйскія ў выніку рэйду ў начным клубе «КМ-19» затрымалі амаль 60 дзяўчат мадэльнай знешнасці ва ўзросце ад 18 да 28 гадоў за занятак прастытуцыяй, паведамляе LifeNews.
«Спецаперацыя на Кузнецкім мосце праходзіла ў некалькі этапаў. Першапачаткова паліцэйскія ўкараніліся ў закрыты клуб пад выглядам заможных кліентаў. Атрымаўшы неабходныя доказы, укаранёныя аператыўнікі далі сігнал на захоп. Усе дзяўчаты былі дастаўлены ў найбліжэйшы аддзел паліцыі для складання пратаколаў, затым іх адпусцілі на волю», — гаворыцца ў паведамленні.
Установа пазіцыянавала сябе як «месца ў стылі буржуазнай Францыі XIX ст.», дзе «выдатныя дзяўчыны гатовыя танцаваць ноч напралёт і ўвасабляць у рэальнасць самыя смелыя фантазіі».
У дачыненні да кіраўніцтва ўстановы распачата крымінальная справа па артыкуле «Арганізацыя заняткаў прастытуцыяй».
Каментары