Улады Славеніі паведамляюць, што большасць бежанцаў з Сірыі, якія пражылі некалькі дзён у лагерах у Харватыі на славенскай мяжы, пушчаныя ў краіну. Праз мяжу перайшлі каля 5 тысяч чалавек.
Панядзелак уцекачы правялі ў сырых і брудных палях на холадзе шмат гадзін, пакуль улады краін былой Югаславіі спрачаліся, хто колькі мігрантаў гатовы прыняць.
Праваабаронцы папярэджваюць, што мігранты знаходзяцца ў цяжкіх умовах.
У Любляне і раней казалі, што могуць справіцца толькі з абмежаванай колькасцю.
У нядзелю Славенія афіцыйна абмежавала колькасць мігрантаў, якім будзе дазволены ўезд у краіну. Уведзены штодзённы ліміт у памеры 2,5 тысячы чалавек.
У Харватыі ліміт устаноўлены на ўзроўні 5 тысяч чалавек. Аўстрыя ўпускае ў краіну толькі па 1500 чалавек у дзень.
Венгрыя заявіла пра закрыццё сваіх межаў з паўночы ў пятніцу з-за таго, што лідары Еўрапейскага саюза не здолелі ўзгадніць меры па скарачэнні прытоку мігрантаў. У верасні Венгрыя таксама закрывала сваю мяжу з Сербіяй.
У Мінску адбыліся масавыя затрыманні выдаўцоў і кнігараспаўсюднікаў33
Каментары