Прэм'ер-міністр Малдовы Валерыу Стралец адпраўлены ў чацвер у адстаўку. За гэтае рашэнне прагаласавалі 64 дэпутата ад фракцый камуністаў, сацыялістаў і дэмакратаў.
Ініцыятыва аб вотуме недаверу ўраду была ўнесеная апазіцыйнымі фракцыямі камуністаў і сацыялістаў.
Апазіцыі бракавала галасоў для вынясення вотуму недаверу. Рэшту галасоў камуністам і сацыялістам забяспечыла Дэмакратычная партыя, якая адлюстроўвае інтарэсы буйнога бізнэсу.
У кіраўнічым Альянсе за еўрапейскую інтэграцыю, у які ўваходзілі Ліберал-дэмакратычная партыя (ЛДПМ), Дэмакратычная партыя (ДПМ) і Ліберальная партыя (ЛП), паўсталі канфлікты пасля таго, як з лідэра ЛДПМ Уладзіміра Філата была знятая дэпутацкая недатыкальнасць. Яго падазраюць у пасіўнай карупцыі і датычнасці да вываду буйной грашовай сумы з фінансава-банкаўскай сістэмы краіны.
Каментары