Загадчык кафедры інавацыйнага менеджменту БДУ Байнёў: Мы не хочам жыць не ў СССР
У перадачы «Справа прынцыпу» на тэлеканале АНТ учора абмяркоўвалі СССР і яго спадчыну. Сярод гасцей перадачы быў загадчык кафедры інавацыйнага менеджменту БДУ Валерый Байнёў.
На фразу кіраўніка фонду Мізэса, экс-кандыдата у прэзідэнты Яраслава Раманчука аб тым, калі вы клапоціцеся аб чалавеку і хочаце разняволіць прадпрымальніцтва, то ад савецкай эканомікі трэба пазбаўляцца, Байнёў узарваўся:
«Гэта стандартная ліберальная пласцінка. 25 гадоў мы слухаем гэтую старую ліберальную пласцінку, а вакол – крызісы, войны, дэвальвацыі, дэфолты, тэракты, грамадзянскія войны. Колькі можна падманваць моладзь?!
Савецкая эканоміка была ў параўнанні з заходняй на парадак больш эфектыўная. Паглядзіце, на Захадзе – друкарскі станок, калоніі. Амерыканцы адсядзеліся ў час Другой сусветнай вайны на выспе. Ніводнай бомбы на іх не ўпала.
У выніку мы стварылі другую эканоміку ў свеце па сутнасці. Пры блакадзе, пры цяжкасцях».
«І дзе ваша другая эканоміка ў свеце сёння?» – спрабаваў троліць Раманчук. Байнёў жа працягваў далей:
«Ёсць паказнік, якія дазваляе ацэньваць якасць жыцця ў любой краіне беспамылкова – гэта прырост насельніцтва. Вось у Савецкім Саюзе людзі хацелі жыць. У сярэднім прырост насельніцтва ў СССР складаў 2,7 млн чалавек у год. Калі чалавеку не падабаецца жыць у краіне, то ён галасуе супраць яе ні рублём, ні далярам, ні бюлетэнем. Ён галасуе самым цэнным, што ў яго ёсць – сваімі жыццямі. Калі СССР не стала, то мы сталі скарачацца ў колькасці, мы не хочам жыць не ў СССР».
-
У Беразіне прачнуліся пчолы. Дзяўчынка, якая іх пабачыла, скарыла тыкток
-
«Беларусы і ў Дубаі беларусы». Як суайчыннікі арганізавалі дапамогу тым, хто не можа вярнуцца дамоў праз закрытае неба
-
«Пад канец адпачынку даведаліся, што тут няма сховішчаў». Беларусы, што знаходзяцца ў ААЭ, расказалі, як ім там цяпер
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі12
Каментары