Старшыня КДБ — пра справу аб праслушцы: Справа носіць бытавы характар, праслухоўвалі з-за рэўнасці і палюбоўнікаў
У канцы кастрычніка КДБ распавёў пра тое, што тэлефоны больш за 2 тысячы беларускіх чыноўнікаў, журналістаў і ваенных праслухоўвалі. На заказчыкаў была заведзеная больш за 20 крымінальных спраў.
— На працягу трох гадоў ўдзельнікі злачыннай групы ажыццяўлялі дзейнасць па праслухоўванні памяшканняў, тэлефонных перамоваў, узломе электроннай пошты, акаўнтаў Skype, Viber, WhatsApp, сацыяльных сетак. Аплата паслуг ажыццяўлялася праз заканспіраваную схему перавода грашовых сродкаў з выкарыстаннем электронных кашалькоў, — распавялі 29 кастрычніка ў прэс-службе Камітэта дзяржаўнай бяспекі. Сярод заказчыкаў праслухваньняў — каля 1,5 тысячы чалавек. Распачата справа па частцы 2 артыкула 376 КК РБ. Санкцыя артыкула - пазбаўлення волі тэрмінам да 4 гадоў.
— Каго праслухоўвалі? — звярнулася kp.by да старшыні КДБ Валерыю Вакульчыку.
— Гэта справа носіць побытавы характар. Жонка звярталася праслухаць мужа, муж — жонку. Было некалькі эпізодаў — па іх мы яшчэ разбіраемся — з нагоды некалькіх службовых асоб. Гэта адзін намеснік начальніка падраздзялення МУС, адзін дырэктар прадпрыемства, мытнік, службовая асоба МНС. Па іх яшчэ не ўсё зразумела. Вельмі шмат людзей — фармальна ёсць склад злачынства. Але муж і жонка могуць прымірыцца, у такім выпадку мы будзем абавязаны адмовіць у завядзенні крымінальнай справы.
— Ішла гаворка пра тое, што праслухоўвалі журналістаў.
— З нагоды журналістаў недзяржаўных СМІ я не магу сказаць. Дакладна ёсць адзін журналіст дзяржаўнага СМІ. Але гэтая праслушка таксама носіць побытавы характар. Амаль усіх слухалі з нагоды каханкаў і рэўнасці.
— Хто гэта рабіў?
— Праслушкі арганізоўвала група. А потым ужо, напрыклад, заказчык-жонка, якая звярнулася, сама слухала мужа. Група рабіла тэхнічна так, каб яна сама слухала. Гэта група вельмі талковых маладых людзей. Сёе-якое абсталяванне яны закуплялі за мяжой. Яны затрыманыя, знаходзяцца ў нас у СІЗА.
На Шры-Ланцы ў 37 гадоў памёр беларускі кінапрадзюсар Андрэй Маталыга4
Каментары