12 снежня а 12.00 у мiнскай катэдры адбудзецца імша развітання з арцыбiскупам Клаўдыё Гуджэроцi з удзелам бiскупаў, святароў i вернiкаў. Аб гэтым напісаў мітрапаліт Мінска-Магілёўскі Тадэвуш Кандрусевіч у сваім паведамленні.
Апостальскі нунцый Гуджэроці запомніцца беларусам сваёй ангажаванасцю ў справы краіны. Ён наведваў палітвязняў у турмах і вёў перамовы аб іх вызваленні. Ён падтрымліваў беларускую мову і культуру і дапамагаў як святарам, так і свецкім людзям. У касцёле захапляліся духоўнай сілай і працаздольнасцю гэтага ватыканскага дыпламата.
Ягоным новым месцам прызначэння стане Украіна.
«Каталiцкi Касцёл у Беларусi ўдзячны яму за яго ахвярнае i самаадданае служэнне ў якасцi як прадстаўнiка Папы i ўмелага дыпламата, так i таленавiтага пастыра, якi служыў Касцёлу i Беларусi. Дзякуючы гэтаму Касцёл умацаваўся i стаў больш дынамiчным, а наша Бацькаўшчына атрымала новыя магчымасцi для развiцця на мiжнароднай арэне», — напісаў мітр. Тадэвуш Кандрусевіч.
Цяпер чытаюць
Палякі купляюць дамы ў Беларусі — цікавяцца, ці хопіць на жыццё еўрапейскай пенсіі, і радуюцца смешным выдаткам9
Каментары