Аляксандру Лукашэнку прысвоена званне «Ганаровы Уздзень Дагестана» «за жалезную волю, дальнабачную палітыку і прыклад патрыятызму і павагі да народаў СНД».
Сертыфікат аб прысваенні ганаровага звання, а таксама медаль вольнага грамадства «За жалезную волю і захаванне высокай маральнасці» былі перададзеныя паслу Беларусі ў Расіі Ігару Петрышэнку 17 лістапада ў пасольстве Беларусі ў Маскве на сустрэчы са старшынёй савета ДРГА «Уздзені Дагестана» Керымханам Умаханавым.
У Дагестане ўздзенямі называлі саслоўе вольных людзей, пасялян, якія жылі або самастойнымі сельскімі суполкамі, або знаходзіліся ў падпарадкаванні розных валадароў на правах падданства. У перакладзе «ўздзень» азначае «той, хто жыве сам па сабе».
«Прысвойваючы вашаму лідару высокае званне, мы выказалі агульны настрой думак дагестанскага вольнага грамадства адзначыць яго асабісты ўклад у тое, што Беларусь стала ўзорам дружбы народаў і росквіту нацыянальных культур не толькі ў Еўропе, але і ва ўсім свеце», — адзначыў Керымхан Умаханаў.
Акрамя сертыфіката і медалі, прадстаўнік Дагестана перадаў паслу Беларусі для Аляксандра Лукашэнкі бурку, шаблю і папаху, паведамляе РІА «Дагестан».
-
Танкер з саудаўскай нафтай прайшоў праз Армузскі праліў, нягледзячы на блакаду з боку Ірана
-
На Валыні 7 машын зладзілі пагоню за аўтамабілем вайскоўцаў і сілай адбілі прызыўніка
-
За тыдзень вайны з Іранам краіны Блізкага Усходу выкарысталі больш ракет Patriot, чым атрымала Украіна за чатыры гады вайны
Цяпер чытаюць
«У мяне на стале пяць гадоў ляжала папера з перадачай права апекі над сынам». Вольга Севярынец — пра гады страху, антыдэпрэсанты і надзею7
Каментары