Міністр фінансаў РФ Антон Сілуанаў заявіў, што расійскія ўлады не ведаюць, як будуць паводзіць сябе цэны на нафту. «Цэны на нафту мы закладвалі ў бюджэт 50 даляраў за бараль, цяпер ужо каля 36—37 даляраў за бараль. Незразумела, што будзе далей», — сказаў чыноўнік.
Паводле яго слоў, у 2016 годзе цэны наогул могуць падаць яшчэ ніжэй, чым цяпер. «У асобныя перыяды гэта будзе, можа быць, і 30 даляраў за бараль, можа быць і менш, мы не ведаем», - адзначыў Сілуанаў.
«Год таму, калі б нам сказалі, што будзе ніжэй за 40, усё б, напэўна, проста пасмяяліся. Таму трэба рыхтавацца да такіх няпростых для нас часоў», — сказаў кіраўнік Мінфіна РФ.
Цяпер чытаюць
«Я еду натхніцца ўкраінцамі». Святлана Ціханоўская пачала афіцыйны візіт ва Украіну20
Каментары