Якім жартам мінчукі адрэагавалі на просьбу расіянкі прытуліць яе з сябрам на Новы Год ФОТАФАКТ
Учора ў папулярнай мінскай суполцы «УКантакце» з'явіўся допіс ад расіянкі, якая прасіла прытуліць яе з сябрам у Мінску на час навагодніх святаў.
Аднак першым адказам на яе паведамленне стала пытанне «Чый Крым?».
Гэты жарт за суткі набраў больш за тысячу ўпадабанняў.
«Упусціць да сябе, а потым слухаць, што мы рускія, уджаленыя палякамі?», «Зімою яны проста так прыедуць, а ўлетку паставяць намёты з расійскімі сцягамі ў горадзе», — пісалі першыя каментатары.
Але пасля таго, як гэты допіс разышоўся па іншых суполках, каментарыі атакавалі прапуцінскія «тролі» з фэйкавымі акаўнтамі.
Дарэчы, калі перайсці ў ЖЖ дзяўчыны, то знаходзіцца, што адзін з папярэдніх новых гадоў яна адсвяткавала ў Кіеве на Майдане.
Цяпер чытаюць
У Кіеве за шпіянаж арыштавалі беларускую журналістку Іну Кардаш. Кажуць, з 2015 года яна працавала на КДБ10
Каментары