МЗС расказала, што цяпер з беларусамі, вызваленымі з працоўнага рабства
Міністэрства замежных спраў Беларусі пацвердзіла факт вызвалення ў Іспаніі беларусаў, якія падвяргаліся працоўнай эксплуатацыі. На радзіму яны пакуль не вярнуліся.
Як заявіў прэс-сакратар Міністэрства замежных спраў Беларусі Руслан Варанкоў, пасольства Рэспублікі Беларусь у Мадрыдзе «неадкладна далучылася да працы і падтрымлівае пастаянны кантакт з іспанскімі праваахоўнымі органамі».
«Нашы дыпламаты гатовыя аказаць вызваленым грамадзянам неабходную кансульска-прававую падтрымку і забяспечыць суправаджэнне ва ўсіх пытаннях узаемадзеяння з мясцовымі ўладамі», — сказаў ён.
Пры гэтым працягваюцца следчыя дзеянні. Пасля іх завяршэння беларусам «будзе забяспечана магчымасць бяспечнага вяртання на Радзіму».
Учора стала вядома, што ў Іспаніі ліквідавалі злачынную арганізацыю, якая займалася вытворчасцю і распаўсюджваннем кантрафактнай і кантрабанднай тытунёвай прадукцыі ў правінцыях Малага, Кордава і Севілья на поўдні краіны. На падпольных фабрыках знайшлі і вызвалілі 18 грамадзян трох краін — Беларусі, Кітая і В’етнама.
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары