У пачатку жніўня ў сеціве распаўсюдзілася відэа, знятае ў краме «Грошык» на вуліцы Крупскай у Мінску: у латках прадавалі яйкі з чарвякамі, піша «Мінск-Навіны».
Відэа з крамы набрала каля 250 тысяч праглядаў. Ім зацікавіўся Цэнтр гігіены і эпідэміялогіі Заводскага раёна Мінска — гандлёвую кропку праверылі.
— 7 жніўня праведзена ацэнка крамы «Грошык» ТАА «Еўрагандаль», падчас якой выяўлены парушэнні заканадаўства ў галіне санітарна-эпідэміялагічнага дабрабыту насельніцтва, — расказалі спецыялісты. — Па фактах парушэнняў вынесена прадпісанне аб прыпыненні работ і паслуг у краме, пачаты адміністрацыйны працэс у дачыненні да адказнай службовай і юрыдычнай асоб ТАА «Еўрагандаль», паведамілі ў ведамстве.
Цяпер чытаюць
«Калі пасадзяць зноў, то пасяджу». Пачобут пра сваё вызваленне, камеры смяротнікаў, бітву за гонар у судзе і жаданне вярнуцца5
Каментары