Нацыянальная авіякампанія «Белавія» высвятляе прычыны разбурэння пакрышкі кола самалёта Ту‑154М падчас узлёту ў Франкфурце-на-Майне (ФРГ).
Як паведамляецца ў прэс‑рэлізе авіякампаніі, 6 красавіка падчас узлёту з аэрапорта Франкфурта на самалёце Ту‑154М (бартавы нумар EW85706) авіякампаніі «Белавія», які выконваў рэйс БРУ‑893/894 Франкфурт — Мінск, адбылося разбурэнне пакрышкі сярэдняга знешняга кола КТ‑141Е на правай апоры шасі.
Камандзірам паветранага судна было прынята рашэнне працягваць палёт у Мінск.
На борце самалёта знаходзілася 67 пасажыраў. Уборка і выпуск шасі прайшлі ў штатным рэжыме. У 15.17 па мінскім часе самалёт паспяхова ажыццявіў пасадку ў Нацыянальным аэрапорце «Мінск».
Пры пасляпалётным аглядзе інфармацыя аб разбурэнні пакрышкі пацвердзілася. Цяпер па гэтым факце праводзіцца расследаванне.
«Соевыя экстрэмісты павінны адпрацаваць міску клубніц». Скардзіўся на ўмовы працы ў КДБ, а цяпер уцюхвае трэнінгі сілавікам — хто такі Антон Шабуневіч1919
Каментары