У Мінску мужчына зваліўся з вышыні, а яго 16-гадовы сын знойдзены з цялеснымі пашкоджаннямі
Паводле адной з версій, мужчына здзейсніў суіцыд.
Трагедыя адбылася сёння, 9 лютага, у Мінску. 45-гадовы мужчына зваліўся з вышыні. Цела мужчыны было знойдзена каля жылога дома па вуліцы Усходняя. Зараз следчыя шукаюць абставіны яго смерці. Адна з версій здарэння — суіцыд.
— Падчас агляду месца здарэння ў кватэры, з якой меркавана выпаў загінулы, быў знойдзены 16-гадовы падлетак з цялеснымі пашкоджаннямі рознай ступені цяжкаcці. Паводле атрыманых дадзеных - сын загінулага мужчыны, — паведаміла афіцыйны прадстаўнік Следчага камітэта Беларусі Юлія Ганчарова. - Дзіцяці аказваецца неадкладная медыцынская дапамога.
Зараз устанаўліваюцца ўсе акалічнасці здарэння.
Цяпер чытаюць
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2727
Каментары