Яўген Шыгалаў абвінавачваецца ў злоўжываньні ўладай або службовымі паўнамоцтвамі.
 Яўген Шыгалаў |
15 красавіка старшыні савета дырэктараў Гандлёвага цэнтра «Ждановічы» Яўгену Шыгалаву выстаўлена абвінавачанне ва ўчыненні злачынства, прадугледжанага ч. 3 арт. 424 Крымінальнага кодэкса (злоўжыванне ўладай або службовымі паўнамоцтвамі). Пра гэта БелаПАН паведамілі ў МУС Беларусі.
Выстаўлена таксама абвінавачанне яшчэ адной асобе, якая праходзіць па гэтай справе, сказаў суразмоўца агенцтва.
Нагадаем, Я.Шыгалаў быў затрыманы 5 красавіка. Бізнесмен утрымліваецца ў следчым ізалятары № 1 на вуліцы Валадарскага ў Мінску.
Як паведаміў 9 красавіка кіраўнік МУС Уладзімір Навумаў, разам з Я.Шыгалавым затрыманы яго намеснік і дзяржаўны чыноўнік, які займаецца пытаннямі выдзялення зямельных участкаў пад будаўніцтва.
Гандлёвы цэнтр «Ждановічы» быў створаны ў 1993 годзе. Сёння ён уключае: харчовы цэнтр; рэчавы рынак; комплекс «Свет моды»; аўтамабільны рынак; рынак будаўнічых матэрыялаў; зоабатанічны рынак (мае дзве пляцоўкі); гандлёвы гарадок «Лябяжы»; начны плодаагароднінны аптовы кірмаш; мясакамбінат «Тарасава» (загарадная вытворчасць); шматузроўневы Гандлёвы комплекс «GRAD»; музей «Наша спадчына» (у павільёне «Будаўнічая выстава»); фізкультурна‑аздараўленчы комплекс (у вёсцы Тарасава); сельгаспрадпрыемства ТАА «Гандлёвы дом «Ждановічы‑Агра» (загарадная вытворчасць).
Каментары