Пераабраны пяты раз запар прэзідэнт Уганды Ёверы Мусевені у інтэрв'ю Бі-бі-сі распавёў, чаму яго галоўныя апаненты па выбарах былі арыштаваныя адразу пасля галасавання.
Паводле яго слоў, Кіза Бесіджэ і былы прэм'ер-міністр Амама Мбабазі сумесна спрабавалі дэстабілізаваць абстаноўку ў краіне і справакаваць усплёск гвалту.
Ён не стаў удавацца ў падрабязнасці гэтай нібыта тайнай змовы, адзначыўшы толькі, што інфармацыя была атрымана ад службаў бяспекі.
Мбабазі не пагадзіўся з міжнароднымі назіральнікамі, шўто абвінавацілі мінулыя прэзідэнцкія выбары ў непразрыстасці.
Ён адзначыў, што планаваў выкарыстоўваць на выбарах камп'ютарную сістэму падліку галасоў, але на гэта не хапіла сродкаў.
Кіруючы Угандай з 1986 года прэзідэнт Мусевені атрымаў падтрымку 60,75% выбаршчыкаў. Галоўны супернік 71-гадовага прэзідэнта — апазіцыянер Кіза Бесіджэ — атрымаў 35,4% галасоў.
Бесіджэ прайграў чацвёртыя выбары. Ён заявіў, што не прызнае вынікі галасавання. З пятніцы ён знаходзіцца пад хатнім арыштам.
Улады западозрылі, што Бесіджэ збіраецца аб'явіць вынікі выбараў сам, растлумачылі ў паліцыі. Гэта было б парушэннем закона і патэнцыйна магло прывесці да беспарадкаў, кажуць улады.
Цяпер чытаюць
Памілаваныя 15 чалавек, сярод якіх 13 палітвязняў15
Каментары