Актывісты расклеілі ў цэнтры Мінска партрэты вядомых жанчын, якія паходзяць з Беларусі ФОТА
У беларускай сталіцы актывісты міжнароднага грамадскага аб'яднання «Альтэрнатыва» (зарэгістравана ў Латвіі) сумесна з камандай «Ды-джэі Адраджэння» (нефармальная адукацыйная праграма для моладзі) павіншавалі беларусак з Днём жанчын, паведамляе Naviny.by.
8 сакавіка яны расклеілі ў цэнтры Мінска плакаты з фотаздымкамі і кароткай інфармацыяй пра восем вядомых ва ўсім свеце беларусак і жанчын, якія паходзяць з Беларусі.
Сярод іх святая Ефрасіння Полацкая, удзельніца паўстання 1830 года Эмілія Плятэр (беларуская Жанна д'Арк, графіня-рэвалюцыянерка), вучоная Соф'я Кавалеўская, паэтка Ларыса Геніюш, плыўчыха Аляксандра Герасіменя, біятланістка Дар'я Домрачава, галівудская зорка Скарлет Ёхансан і нобелеўская лаўрэатка па літаратуры Святлана Алексіевіч.
Іх выявы суправаджаюцца надпісамі «Беларускі, з якіх варта браць прыклад» і «Жанчыны, прыйшоў і ваш час! З 8 Сакавіка, вясною і абуджэннем!».
«Выскачыць на вуліцу ў кароткіх спаднічках — гэта вы маглі. І ўсіх гвалтавалі там». Лукашэнка ўспомніў кіношнікам 2020-ы і заклікаў спыніцца16
Каментары