У раёне Маленбек у Брусэлі, які лічыцца апорай джыхадзістаў у Бельгіі, праходзіць спецаперацыя, у раёне чутная страляніна.
У паліцыі Брусэля Бі-бі-сі пацвердзілі, што ў ходзе аперацыі затрыманы адзін з галоўных падазраваных па справе аб нападах у Парыжы Салах Абдэслам. Па гэтых жа паведамленнях, ён атрымаў раненне ў нагу.
Раней у пятніцу бельгійская пракуратура паведаміла пра тое, што адбіткі пальцаў і ДНК Салах Абдэслама былі знойдзены падчас ператрусу яго кватэры ў Брусэлі.
Бельгійскія ўлады раней прызналі, што ціхі працоўны прыгарад Брусэля Маленбек стаў «палітычнай сталіцай ісламу ў кантынентальнай Еўропе».
Чацвёра арганізатараў лістападаўскіх тэрактаў у Парыжы жылі менавіта ў Маленбеку.
На думку многіх назіральнікаў, арышт Салах Абдэслама можа стаць буйной падзеяй у міжнароднай барацьбе з тэрарызмам. Ён - апошні з пакінутых у жывых удзельнікаў тэрарыстычнага нападу ў Парыжы ў лістападзе 2015 года. Па некаторых звестках, ён быў у ліку арганізатараў гэтага нападу.
Цяпер чытаюць
Чаму амерыканцы так ірвуцца на Месяц, што там будуць здабываць? І што да таго беларусам? Тлумачыць беларускі астрафізік1
Каментары