Расійскі суд асудзіў Надзею Саўчанка да 22 гадоў зняволення, назваў як матывам «нянавісць да рускамоўных людзей»
Надзея Саўчанка прызнана вінаватай у гібелі расійскіх журналістаў, а таксама незаконным перасячэнні расійскай мяжы. Злачынства яна здзейсніла па матывах нянавісці да рускамоўных людзей, заявіў суд.
Расійскі суд прызнаў украінскую лётчыцу Надзею Саўчанка вінаватай. Такое рашэнне прыняла тройка суддзяў Данецкага гарадскога суда на чале са старшынёй Леанідам Сцепаненкам. Зрэшты, назваць тэрмін пакарання суддзя яшчэ не паспеў, бо Саўчанка пачала спяваць, заглушыўшы яго голас. Ён абвясціў пяціхвілінны перапынак. Толькі пасля перапынку прагучаў прысуд: 22 гады зняволення.
Суд вырашыў, што віна Саўчанка пацвярджаецца шматлікімі сведчаннямі і вынікамі экспертыз. З довадамі абароны аб невінаватасці Саўчанка суд не пагадзіўся. Яе алібі было прызнана непереканаўчым. Акрамя таго, суд назваў супярэчлівымі паказанні сведак і экспертаў, якія выступілі на карысць украінскага афіцэра, а таксама прапанаваныя абаронай рэчавыя доказы.
Абвяшчэнне прысуду заняло два дні. У аўторак Саўчанка, як і ў панядзелак, працягвала спрачацца з прыставамі і смяяцца з некаторых фармулёвак зачытанага прысуду. Толькі аднойчы, калі суддзя заявіў аб супярэчлівасці яе паказанняў, падсудная пачала абурацца ўсур'ёз. Адвакаты зрэдку абмяркоўвалі са сваёй падабароннай словы суддзі, але большую частку часу абаронцы правялі, вывучаючы свае мабільныя тэлефоны.
У журналістаў узніклі праблемы з асвятленнем суда. Некаторыя прадстаўнікі прэсы скардзіліся, што не могуць трапіць у залу, бо паліцэйскія і судовыя прыставы ладзяць залішнія праверкі і пры ўваходзе ў будынак прапускаюць, у першую чаргу, праціўнікаў Саўчанка.
Абвінавачванне ў ходзе спрэчак прасіла для ўкраінскай ваеннаслужачай 23 гады калоніі агульнага рэжыму.
Па версіі следства, Саўчанка датычная да гібелі двух расейскіх журналістаў у Луганскай вобласці Украіны ў 2014-м годзе. Следчыя сцвярджаюць, што яна карэктавала кірунак артабстрэлу, ахвярамі якога сталі расіяне. Акрамя таго, яе абвінавачвалі ў незаконным перасячэнні расійскай мяжы.
Саўчанка не прызнае сваёй віны. Яе абарона сцвярджала на судзе, што абвінавачаная трапіла ў палон раней, чым загінулі расіяне. Адвакаты падсуднай сказалі ў панядзелак, што яна не будзе абскарджваць прысуд. У той жа час, яны выказалі ўпэўненасць, што рашэнне суда будзе насіць абвінаваўчы характар.
Цяпер чытаюць
Кватэры ў новабудоўлі ў цэнтры Гродна распрадалі за лічаныя хвіліны, але толькі зірніце, што там набудавалі2
Каментары