Аэрапорт Бруселя зноў адкрыецца для пасажыраў не раней за 28 сакавіка, паведамляе яго афіцыйны твітар.
У паведамленні гаворыцца, што аэрапорт будзе закрыты як мінімум да 27 сакавіка ўключна. Такім чынам, у агульнай колькасці яго праца будзе прыпыненая амаль на тыдзень.
Аэрапорт Бруселя зачынілі ў аўторак, 22 сакавіка, у сувязі з падвойным выбухам у зале прылёту, у выніку якога загінулі больш за дзесяць чалавек. На фотаздымках з месца здарэння было відаць, што ў будынку абвалілася столь.
Пасля закрыцця аэрапорта многія авіякампаніі дазволілі кліентам вярнуць квіткі ў Брусель ці з Бруселя і атрымаць поўную кампенсацыю, альбо ж лятаць праз Дзюсельдорф і Амстэрдам.
Каментары