Беларусь выканала ўмовы для атрымання першага траншу фінансавага крэдыту Еўразійскага фонду стабілізацыі і развіцця, падпісанага ў Маскве 25 сакавіка 2016 года, і ў сераду сродкі ў памеры 500 млн даляраў паступілі ў рэспубліканскі бюджэт, паведаміў Мінфін Беларусі.
Савет ЕФСР ухваліў вылучэнне фінансавага крэдыту Беларусі ў памеры 2 млрд даляраў. Сродкі будуць прадастаўлены сям'ю траншамі на працягу 2016-2018 гадоў, пры гэтым першы транш у памеры 500 млн даляраў (раней чакалася, што першы транш будзе ў памеры 1,1 млрд даляраў.)
Крэдыт падтрымае праграму рэформаў ўрада і Нацбанка Беларусі, якая складаецца з двух буйных блокаў мер эканамічнай палітыкі — стварэнне макраэканамічных перадумоў эканамічнага росту і правядзенне рынкавых рэформаў, накіраваных на забеспячэнне яго ўстойлівасці.
Структурныя меры палітыкі прадугледжваюць, у прыватнасці, значнае павелічэнне ўзроўню кампенсацыі выдаткаў на ЖКГ тарыфамі для насельніцтва з 30% на канец 2015 г. да 70% - на канец 2017 года, што прывядзе да скарачэння бюджэтных субсідый прадпрыемствам ЖКГ, рацыяналізацыі спажывання паслуг ЖКГ насельніцтвам і скарачэння перакрыжаванага субсідзіравання як важнага фактару павышэння канкурэнтаздольнасці беларускай эканомікі.
Каментары