У Брэсце ў рацэ Мухавец знойдзенае цела зніклай у сакавіку 37-гадовай мясцовай жыхаркі.
У ноч з 19 на 20 сакавіка брэстаўчанка пайшла з дому ў невядомым накірунку. У міліцыю з заявай аб адсутнасці без вестак звярнуўся яе брат.
Як паведаміла БелаПАН інспектар аддзялення інфармацыі і грамадскіх сувязяў УУС Брэсцкага аблвыканкама Ганна Івашчанка, раніцай 12 красавіка цела жанчыны на паверхні вады ўбачылі работнікі гідравузла «Трышын». Паводле папярэдніх звестак, прычынай смерці стала утапленне. Яе апазнаў брат.
Брэсцкі міжраённы аддзел Следчага камітэта праводзіць праверку па факце смерці.
Каментары