Разбагацець дзяўчыне дапамагла сацсетка Instagram і блог, прысвечаны модзе.
Часопіс Forbes уключыў ураджэнку Менска Крысціну Базан у спіс самых багатых людзей свету да 30 гадоў. За фотаздымкамі Крысціны Базан у Instagram сочаць за 2,3 млн падпісчыкаў. Такая папулярнасць у карыстачоў сеткі прывяла да таго, што з беларускай дзяўчынай сталі супрацоўнічаць люксавые брэнды, у тым ліку Louis Vuitton і Chopard. Яна стала знакамітасцю і зарабляе зараз мільёны еўра. Гераіню сацсетак з мадэльнай знешнасцю можна сустрэць на бале ў Рыяны і на вечарыне для сусветных зорак у Нью-Ёрку, паведамляе БелТА.
Крысціна распавядала ў адным з інтэрв'ю, што ў дзяцінстве яна жыла ў Мінску, а потым разам з сям'ёй пераехала ў Амерыку і адтуль у Швейцарыю. «Мая сям'я заўсёды кудысьці ездзіла, гаварыла на многіх мовах. Гэта ў мяне ў крыві», — дзялілася дзяўчына.
У 2011 годзе Крысціна Базан разам з фатографам Джэймсам Шардонам стварыла блог аб модзе Kayture. Блог хутка стаў працай, бо лік яго падпісчыкаў рос з касмічнай хуткасцю. Зараз у яе фотасесіі па ўсім свеце, таму Крысціна шмат падарожнічае.
Крысціна прызнаецца, што яна не любіць слова «блогер», бо яно прыніжае заслугі. На яе думку, любы можа націснуць кнопку ў інтэрнэце і завесці блог, але каб заявіць пра сябе ў індустрыі, трэба прыкласці куды больш высілкаў. Сапраўдны поспех прыходзіць да адзінак.
Што вядома пра жанчыну, якая загінула ў аўтобусе, што вёз беларускіх футбалістаў-школьнікаў у Геленджык?18
Каментары