Ён Арвід Расенгрэн са Швецыі стаў пераможцам конкурсу найлепшых самелье свету, які завяршыўся ў Аргенціне. У фінале ён абышоў прадстаўнікоў Францыі.
У аргенцінскім горадзе Мендоза завяршыўся конкурс найлепшых самелье свету, пераможцам якога стаў 31-гадовы швед Ён Арвід Расенгрэн.
Расенгрэн працуе ў нью-ёркскім рэстаране Charlie Bird. Раней ён ужо станавіўся пераможцам прэстыжных конкурсаў самелье. У 2009 годзе ён быў прызнаны найлепшым самелье паўночных краін, у 2010-м станавіўся найлепшым вінным спецыялістам Швецыі, у 2013 годзе быў прызнаны найлепшым у Еўропе.
«Я вельмі здзіўлены. Фінал быў вельмі жорсткім», — сказаў Расенгрэн пасля ўзнагароджання.
Перамога прадстаўніка Швецыі не стала нечаканасцю для гледачоў — гэтая скандынаўская краіна з'яўляецца адной з вядучых у свеце самелье.
Усяго ў конкурсе прынялі ўдзел 60 самелье з 58 краін свету. У лік 15 фіналістаў ўвайшлі некалькі прадстаўнікоў скандынаўскіх краін, 37-гадовая аргенцінка Пас Левінсан, француз Давід Біро, а таксама Жулі Дзюпюі — ураджэнка Францыі, якая выступала за Ірландыю.
У фінале самелье павінны былі прадэманстраваць сваё майстэрства ў падачы вінаў, дэгустацыі і гастранаміі, паказаць веды па віннай геаграфіі, вытворчасці напою і асаблівасцях спажывання розных гатункаў.
Конкурс найлепшых самелье свету праводзіцца Міжнароднай асацыяцыяй самелье раз у некалькі гадоў з 1969 года. Прадстаўнік Швецыі станавіўся яго лаўрэатам у 2007 годзе.
Каментары