Марына Гірын, якая ўсё ж трапіла да прэзідэнта Польшчы, абурылася, што яму падарылі ляльку з анучы

Па словах Марыны Гірын, яна прысутнічала на падобнай сустрэчы ўжо чацвёрты раз і ёй не падалося, што колькасць яе ўдзельнікаў сёлета была меншая за папярэднія гады. Можа быць, у гэтым годзе людзей было нават і больш. 

У той жа час сёлета было дакладна больш прадстаўнікоў медыя, асабліва з тэлеканала «Белсат».

Павялічыць

Каля чвэрці ці траціны ўдзельнікаў, як сцвярджае Гірын, складалі прадстаўнікі палітычных структур дэмакратычных сіл — Офіса Святланы Ціханоўскай, Аб'яднанага пераходнага кабінета, Каардынацыйнай рады і Народнага антыкрызіснага аб'яднання. Пры гэтым яна адмыслова адзначае, што Павел Латушка, як і летась, прысутнічаў на мерапрыемстве разам са сваёй дачкой Янай.

Пры гэтым «на сустрэчы прысутнічала пэўная колькасць удзельнікаў, якія прыехалі ў Польшчу з іншых краін і фактычна не з’яўляюцца часткай беларускай дыяспары ў Польшчы, а належаць да прадстаўнікоў палітычных структур».

Павялічыць

У той жа час вялікай колькасці былых палітвязняў Гірын на прыёме не заўважыла. «Гаворка ішла пра некалькі вядомых публічных асобаў, але магчыма, прысутнічалі людзі, якіх я асабіста не ведаю», — адзначае яна.

Не менш за палову свайго допісу Марына Гірын прысвяціла крытыцы падарунка, які быў падчас мерапрыемства ўручаны Каралю Наўроцкаму ад імя беларускай дыяспары ў Польшчы.

«Гэта быў творчы калядны нумар з наступным уручэннем Прэзідэнту Польшчы маленькай лялькі з анучы з прыблізнымі словамі, што такая традыцыя існуе ў нас і што ляльку даруюць як абярэг ад усяго дрэннага.

Павялічыць

Асабіста ў мяне такі падарунак, як «лялька», выклікаў унутраны дыскамфорт. У каталіцкім кантэксце Польшчы, у прысутнасці святара, які стаяў побач з Прэзідэнтам і афіцыйна прысутнічаў на мерапрыемстве ад польскага боку, падарунак з акцэнтам на язычніцкую сімволіку і прыпісаную прадмету «ахоўную сілу» выглядае недарэчна.

Павялічыць

Павялічыць

Культурнае калядаванне як фальклор — гэта адно. Аднак уручэнне лялькі-абярэга з магічным сэнсам выходзіць за межы нейтральнага культурнага жэста і ўступае ў супярэчнасць з каталіцкім светапоглядам, у якім абарона і благаслаўленне паходзяць не ад прадметаў, а ад Бога.

Я лічу важным быць асцярожнымі з сімваламі, асабліва ў афіцыйным і міжкультурным кантэксце. Менавіта павага да прымаючага боку, да яго традыцый і рэлігійнага фону з’яўляецца асновай даверу і ўзаемаразумення, таго самага даверу, пра які мы так шмат гаворым», — піша Гірын.

Павялічыць

• 7
• 11
• 13
• 35
• 1
• 0
• 1
• 0