У Расіі выдаткавалі каля 1 млрд рублёў (11 млн еўра) з федэральнага бюджэту на распрацоўку айчынных лекаў ад імпатэнцыі, але так і не атрымалі выніку. Гэта вынікае з дакладу Падліковай палаты, піша The Moscow Times.
Паводле звестак ведамства, праект, які вёў Навуковы цэнтр біямедыцынскіх тэхналогій Федэральнага медыка-біялагічнага агенцтва, атрымліваў фінансаванне з 2017 да 2025 года.
Ён быў накіраваны на вывучэнне прыродных уласцівасцяў мускусу кабаргі — сакрэту пахучай залозы аленя — і стварэнне новых прэпаратаў на яго аснове, сярод іншага, лекаў для карэкцыі эрэктыльнай дысфункцыі, павышэння працаздольнасці, лячэння чэрапна-мазгавых траўм ды ішэмічнага інсульту.
У межах праекта меркавалася пабудаваць гадавальнік для развядзення і ўтрымання кабаргі ў Горна-Алтайску, а таксама лабараторыю ў Краснагорскім раёне Падмаскоўя.
Першапачаткова планавалася, што выпуск гатовай прадукцыі пачнецца ў 2020 годзе, але тэрміны пастаянна пераносіліся.
Так, гадавальнік увялі ў эксплуатацыю толькі ў чэрвені 2024-га, а будаўніцтва лабараторыі, дзе павінны былі распрацоўваць лекі, дагэтуль не закончылі. Пры гэтым прэпарат «Мускуліў» для лячэння імпатэнцыі распрацоўваўся з выкарыстаннем сыравіны, закупленай на рынку, а не атрыманай у гадавальніку. У сваю чаргу клінічныя даследаванні праводзіліся ў прыватных медустановах замест дзяржаўных.
У выніку Навуковы цэнтр біямедыцынскіх тэхналогій так і не стварыў замкнёны цыкл вытворчасці айчынных прэпаратаў з мускуса кабаргі. А замест лекаў выпусціў БАДы.
-
Бацькі з Крэмніевай даліны плацяць па $60 тысяч за школы без гаджэтаў. Чаму яны не хочуць для сваіх дзяцей тэхналогій, якія самі ствараюць?
-
Прэзідэнт Фінляндыі расказаў, якія пасланні ад Украіны перадаў Пуціну падчас размовы з ім
-
Амерыканец два месяцы насіў у кашальку латарэйны білет, не ведаючы, што ён выйграў мільён
Каментары