Аляксандр Лукашэнка 27 красавіка падпісаў указ № 156, які ўстанаўлівае бязвізавы парадак уезду і выезду для падданых Аб'яднаных Арабскіх Эміратаў, якія маюць сапраўдныя пашпарты ці іншыя дакументы, якія іх замяняюць, прызначаныя для выезду за мяжу і выдадзеныя адпаведнымі дзяржаўнымі органамі ААЭ.
«Бязвізавы парадак устаноўлены для транзітнага праезду (транзіту) праз тэрыторыю Беларусі, а таксама для часовага знаходжання ў краіне на тэрмін не больш за 30 сутак з дня ўезду пры праходжаннi праз міжнародныя пункты пропуску, адкрытыя для міжнародных зносін», — адзначаецца ў паведамленні прэс-службы прэзідэнта.
Падданыя ААЭ, якiя маюць сапраўдныя пашпарты ці іншыя дакументы, якія замяняюць іх, прызначаныя для выезду за мяжу, у добраахвотным парадку рэгіструюцца ў органах рэгістрацыі па месцы фактычнага часовага знаходжання, калі яны знаходзяцца ў краіне не больш за 30 сутак з дня ўезду.
Падаўжэнне часовага знаходжання ў Беларусі падданых ААЭ звыш гэтага тэрміну і іх рэгістрацыя ажыццяўляюцца ў парадку, устаноўленым заканадаўствам.
Беларускім грамадзянам для наведвання ААЭ віза патрэбная.
Цяпер чытаюць
Рыту Дакоту абвінавацілі, што яна тэрмінова распрадала нерухомасць у Расіі амаль на $2 мільёны. Яна адказала11
Каментары