У Глыбокім у сквер Перамогі прыцягнулі яшчэ адзін БТР, а ў дадатак – яшчэ і гармату
У скверы Перамогі, што ў цэнтры Глыбокага (Віцебская вобласць), пахаваныя савецкія жаўнеры, якія палеглі ў пачатку ліпеня 1944 года за вызваленне Глыбокага. Да сярэдзіны 1990-х тут стаялі дзве бетонныя скульптуры: статуя жанчыны з вянком, і статуя жаўнера са сцягам у каленяў. Кампазіцыя ўяўляла смутак па загінулых. Так! Тут, насамрэч – могілкі.
Гадоў пятнаццаць таму бетонныя статуі знеслі… Пачалася мілітарызацыя сквера. Паставілі бронзавых: жаўнера з вінтоўкай і партызана з ППШ. Неўзабаве, побач злева, з’явіўся бронзавы аўганец з АКМ. Гэта памяць аб глыбоцкіх мальцах, якія загінулі далёка ад радзімы.
Але мілітарызацыя гэтага сквера не скончылася. Гады тры таму паставілі ў скверы БМД (баявую машыну дэсанта). Пакуль усе доўга гадалі – блага гэта, ці добра, ужо прывыклі. Як сто гадоў стаяла!
Аднак, цяпер, 29 красавіка, да Дня Перамогі, арсенал сквера дадаўся яшчэ двумя новымі рарытэтамі – БТРам і гарматай. Праўда, у адрозненне ад БМД, які дулам павернуты на захад, гэты БТР дулам – на усход.
Новае папаўненне – блага, ці добра? Народ жа ў першы дзень ацаніў – прыходзяць, нават сем’мі, робяць сэлфі. Магчыма ацэняць і турысты, якія сюды часта заязджаюць. Для поўнай калекцыі, напэўна, не хапае бронецягніка! Жарт! Месца тут яму мала…
Цяпер чытаюць
Хто такі Мацвей Бяляй, якога нібыта дэпартавалі ў Беларусь? Расказваем гісторыю дзіўнага актывіста з падазроным мінулым2
Каментары