Уначы ў двары жыхара Жыжмараў, што паміж Вільняй і Коўнам, прызямліўся метэазонд, які перавозіў кантрабанду. На месца здарэння прыбылі супрацоўнікі паліцыі і знайшлі 1 500 пачкаў беларускіх цыгарэт, паведамляе LRT.
Прадстаўніца Галоўнага ўпраўлення паліцыі Коўна Крысціна Мішкаўскайце паведаміла LRT, што паведамленне паступіла каля гадзіны ночы. Мясцовы жыхар паведаміў, што каля яго дома прызямліўся кантрабандны шарык.
«Прыбыўшы на месца здарэння, супрацоўнікі паліцыі знайшлі тры скрыні з 1 500 пачкамі цыгарэт з беларускімі акцызнымі маркамі, а таксама GPS-прылады», — сказала прадстаўніца паліцыі.
Пра інцыдэнт таксама паведаміла Ковенскае ўпраўленне пажарнай аховы і выратавання. У зводцы адзначаецца, што пажарных папрасілі дапамагчы зняць шарык, які захрас на дрэве на вышыні чатыры метры.
Герой Беларусі Марына Васілеўская нарадзіла дачку ад касманаўта Алега Навіцкага16
Каментары