Кошт аўтамабільнай запчасткі, найменне якой, як аказалася, не варта ўспрымаць літаральна, вырасла на 158 расійскіх рублёў з-за падзення курсу рубля.
Падраздзяленне Міністэрства аховы здароўя рэспублікі Саха-Якуція (Расія) — медыцынскі цэнтр «Рэзерв» — другі год запар паказвае ў пераліку неабходных аўтамабільных запчастак на афіцыйным сайце дзяржзакупак вельмі дзіўную дэталь.
Сярод бампераў, колаў і акумулятараў ў спісе для пастаўшчыкоў можна знайсці «жопу».
Калі ў 2015 годзе дзяржаўны заказчык ацаніў «жопу» ў 3631 расійскі рубель 70 капеек (больш за 1 млн беларускіх рублёў), то ў 2016 яна падаражэла да 3789 рублёў 60 капеек (1 млн 136 тыс. беларускіх).
Змяніўся і пастаўшчык запчастак для ўстановы, якая змяшчае тэхніку, прызначаную для ліквідацыі надзвычайных сітуацый: у 2015 годзе гэта была фірма, у 2016-м — індывідуальны прадпрымальнік.
Руская служба Бі-бі-сі адправіла запыт на электронную пошту «Рэзерву», а таксама на сайт якуцкага Міністэрства аховы здароўя. Запыт быў правераны мадэратарам і апублікаваны на сайце сярод іншых зваротаў.
Як вынікае з адказу «Рэзерву», спіс запчастак «складаўся на аснове прайса пастаўшчыкоў, і, хутчэй за ўсё, была дапушчана памылка друку».
«Цэны на запчасткі таксама устанаўліваюць пастаўшчыкі, — адзначыў дырэктар «Рэзерву» Фядот Фядотаў, — магчыма, павышэнне цаны адбылося з-за падзення курсу расійскага рубля. Дэталь пад нумарам 1383 у 2015 годзе не закуплялася».
Па законе РФ № 44 аб адзінай кантрактнай сістэме, установы і ведамствы могуць публікаваць на сайце дзяржзакупак пералік патэнцыйна неабходных запчастак для тэхнікі (паколькі немагчыма спрагназаваць, якая запчастка зламаецца на працягу года). Пасля заканчэння дзеяння кантракту аплачваюцца фактычна пастаўленыя дэталі.
Калі верыць адказу, «жопу» чыноўнікі не заказвалі, а значыць і бюджэтныя амаль 4 тыс. рублёў на яе патрачаныя не былі.
У «Рэзерве» паабяцалі ў далейшым больш уважліва правяраць прапановы пастаўшчыкоў.
Цяпер чытаюць
Тамара Віннікава прадала свой лонданскі дом, завешаны карцінамі самой сябе ШМАТ ФОТА10
Каментары