Аб гэтым заявіў Аляксандр Лукашэнка пасля сустрэчы з пантыфікам Францішкам, якая адбылася ў Ватыкане.
president.gov.by
«Я выказаў думку, што пантыфіку пара прыехаць у Беларусь і разам з нашым Патрыярхам сустрэцца з нашымі жыхарамі. Упэўнены, што там будзе не адзін мільён чалавек, якія б хацелі бачыць гэта поціск рукі не ў далёкай Кубе ў аэрапорце, а на зямлі, якая знаходзіцца ў цэнтры Еўропы і якую, дзякуй богу, не закранулі тыя катаклізмы (і пантыфік гэта таксама падкрэсліў), якія адбыліся ў постсавецкіх рэспубліках і краінах Усходняй Еўропы пасля распаду СССР», — сказаў Аляксандр Лукашэнка.
«Усё ў руках Госпада. Калі ён дабраславіць, то нашы вышэйшыя іерархіі каталіцкай і праваслаўнай цэркваў сустрэнуцца на беларускай зямлі. Думаю, што запросяць туды і прадстаўнікоў мусульманскага свету, і юдэяў, і іншых канфесій», - сказаў прэзідэнт.
Паводле яго слоў, многія святары ў якасці самага святога поваду такой сустрэчы прапануюць аддаць даніну памяці загінулым у Першай і Другой сусветных войнах. Кіраўнік дзяржавы адзначыў, што гэта мерапрыемства, напрыклад, можна было б прымеркаваць да будаўніцтва храмаў або капліц розных канфесій альбо да закладкі каменя ў іх будаўніцтва. У якасці месца Аляксандр Лукашэнка прапанаваў раён мемарыяльнага комплексу «Трасцянец», дзе ў гады вайны былі спалены многія тысячы мірных жыхароў самых розных нацыянальнасцей і веравызнанняў.
Апытанка
Цяпер чытаюць
Беларуска наракае, што сем гадоў не можа знайсці пастаянную працу. А ў эміграцыі стала яшчэ складаней16
Каментары