Напярэдадні футбольнага турніру Еўра-2016 французскі ўрад выпусціў праграму для мабільнага тэлефона пад назвай SAIP, якая павінна папярэдзіць грамадскасць у выпадку небяспекі тэрарыстычнага нападу.
Ва ўрадзе кажуць, што праграма была распрацаваная пасля лістападаўскіх тэрактаў у Парыжы, ахвярамі якіх сталі 130 чалавек.
У аўторак брытанскі МЗС папярэдзіў брытанскіх грамадзян аб імавернасці нападаў падчас матчаў чэмпіянату Еўропы ў Францыі. Паводле дадзеных Форын-офіса, патэнцыяльнымі аб'ектамі нападаў падчас футбольнага турніру з'яўляюцца стадыёны, фан-зоны і транспартныя вузлы.
Карыстальнікі змогуць падпісацца на атрыманне папярэджанняў аб небяспецы ў розных геаграфічных зонах — агульнам да васьмі, не лічачы бягучага месцазнаходжання.
У абвестцы будзе дадзенае кароткае апісанне таго, што здарылася, а таксама рэкамендацыі, як заставацца ў бяспецы.
Урад падкрэслівае, што канфідэнцыйнасць карыстальнікаў будзе абаронена.
У цяперашні час распрацоўваюцца і іншыя версіі праграмы, якія дазволяць папярэджваць карыстальнікаў аб надзвычайных сітуацыях іншага роду — такіх як паводкі і тэхнагенныя аварыі.
Праграма даступная для загрузкі на смартфоны, якія працуюць пад аперацыйнымі сістэмамі IOS і Android.
-
Кітайская кампанія прэзентавала першага поўнапамернага робата-гуманоіда, які адчувае дотык і бегае марафоны
-
Кампанія OpenAI прыняла рашэнне канчаткова адключыць сваю папулярную мадэль штучнага інтэлекту ChatGPT-4o
-
Канец эпохі цалкам бясплатнага ШІ? У ChatGPT з'яўляецца рэклама, і вось як яна будзе выглядаць
Каментары