Сусветна вядомаму сэрвісу па перавозцы пасажыраў Uber давядзецца зарэгістраваць юрыдычную асобу ў Беларусі, што прадугледжана папраўкамі ў закон аб аўтамабільным транспарце і аўтамабільных перавозках, паведаміў сёння журналістам намеснік старшыні Пастаяннай камісіі Палаты прадстаўнікоў па прамысловасці, паліўна-энергетычным комплексе, транспарце і сувязі Леанід Мажэйка.
Папраўкі разглядаюцца сёння ў Палаце прадстаўнікоў у першым чытанні. «Ёсць такая арганізацыя Uber, якая на сёння знаходзіцца за мяжой. Законам прадугледжана, што гэтай дзейнасцю (перавозкамі пасажыраў на таксі) можна займацца ў Рэспубліцы Беларусь, але толькі пры адной умове: калі перавозчык юрыдычна зарэгістраваны ў Беларусі. Калі ён не зарэгістраваны тут юрыдычна, значыць хтосьці (іншы) будзе адказваць за бяспеку пасажыраў», — растлумачыў дэпутат.
Парламентарый дадаў, што дакумент дакладна размяжоўвае рэгулярныя аўтамабільныя перавозкі і нерэгулярныя. Урэгуляваныя і палажэнні аб тым, якія асноўныя дакументы павінны быць пры суправаджэнні грузу.
Вялікая гутарка з Лесяй Руднік пра сэксізм, мужа-рэслера, заробак доктаркі навук у Швецыі, апазіцыю і памылку Еўрасаюза19
Каментары