У Беларусі прадаюць унікальны 47‑гадовы BMW 5‑серыі — часоў Машэрава. Цана — $25 тысяч
У Беларусі ў продажы ўсяго тры «пяцёркі» гэтага пакалення.
З 2014 года ў адных руках
Пяцёрка ў кузаве E12 — гэта першае пакаленне BMW 5-серыі. Мадэль выпускалася з 1972 па 1981 год. Машына, якую прадаюць у Мінску, 1979 года выпуску, то-бок ужо рэстайлінгавая.
Пад капотам у гэтай 525‑й бензінавы матор аб'ёмам 2,5 літра магутнасцю 150 к. с., што для канца 1970‑х даволі шмат. Працуе ён у пары з АКПП.
Просяць за машыну 25 200 даляраў. Знешне выглядае яна вельмі прыстойна, але апісанне ў аб'яве адсутнічае. Праўда, даведацца пра гісторыю гэтага аўто не складана, бо прадавец актыўна вёў бартавы журнал на сайце drive2.ru.
У цяперашняга ўласніка гэтая машына з лета 2014 года. І з першых публікацый становіцца зразумела, што перад намі не капсула часу, а звычайная старая BMW, якую беларускі энтузіяст старанна аднаўляў сваімі рукамі. Прычым патраціў на гэта не адзін год.
«З першага погляду машынка была дагледжаная і дастатковая камплектная, але пасля разборкі высветлілася, што будзе над чым папрацаваць», — такімі былі першыя ўражанні ўласніка ад набытага аўто.
Каб адрэстаўраваць аўтамабіль, яго разабралі да апошняга вінціка.
Праект даўжынёю 10+ гадоў
З бартавога журнала дакладна не зразумела, колькі гадоў няспыннай працы пайшло на рэстаўрацыю, але вядома, што ад пачатку да першага выезду ў свет прайшло больш 10 год.
Праз два гады пасля куплі, летам 2016 года, кузаў ужо быў пафарбаваны, але цалкам голы.
Толькі ў лютым 2025 года ў бортжурнале аўто з'явілася чарговая справаздача, дзе гаварылася пра завяршэнне зборкі рухавіка і чаканне цёплага сезону, каб пакатацца на рэтра-BMW.
Ужо ў красавіку 2025 года ўласнік справаздачыўся, што аўто праехала першыя 500 кіламетраў, а ўжо летам мінулага года машына ўпершыню ўдзельнічала ў рэтра-выставе.
Цяпер жа чалавек, які патраціў больш за 10 гадоў на аднаўленне аўто, выставіў яго на продаж.
Цяпер чытаюць
Просты беларус здзівіў людзей, калі ў Германіі прызнаваўся ў любові да Лукашэнкі. Але аказалася, што ён няпросты14
Каментары