У Расіі больш няма алігархаў, засталіся толькі багатыя людзі, заявіў кіраўнік Цэнтра стратэгічных распрацовак Аляксей Кудрын, выступаючы на Пецярбургскім эканамічным форуме.
«Алігархі — гэта людзі, якія ўплываюць на ўладу. Сёння яны проста багатыя людзі, сёння яны не алігархі у тым сэнсе, у якім першапачаткова гэта слова выкарыстоўвалася», — сказаў эканаміст.
Класічнае вызначэнне алігархіі зводзіцца да палітычнага рэжыму, пры якім улада засяроджаная ў руках адносна невялікай групы асоб, якая, як правіла, кантралюе і буйны капітал.
Тым не менш, «Вялікі тлумачальны слоўнік» рускай мовы дае яшчэ адно вызначэнне алігарха: прадстаўнік буйнога капіталу — безадносна яго ўплыву на ўладу.
Разважаючы пра ўдзел багатых расіян у дабрачыннасці, Аляксей Кудрын закрануў тэму міжнароднай ініцыятывы The Giving Pledge, у Расіі вядомай як Клятва дарэння. У 2010 годзе амерыканскія мільярдэры Уорэн Бафет і Біл Гейтс заклікалі іншых багатых людзей планеты адпісваць не менш за палову маёмасці на дабрачыннасць.
Кудрын заявіў, што ведае толькі дваіх расіян, якія далучыліся да кампаніі: гэта мільярдэры Уладзімір Патанін і Юрый Мільнер.
«Яны якраз вельмі шмат робяць для развіцця інавацый і адукацыі. Можна толькі вітаць гэтыя сур'ёзныя пачынанні», — цытуе РБК эканаміста.
Цяпер чытаюць
У СІЗА КДБ апынуўся Мікалай Цырто, фігурант старой справы Беларусбанка. Другі раз — за палітыку1
У СІЗА КДБ апынуўся Мікалай Цырто, фігурант старой справы Беларусбанка. Другі раз — за палітыку
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі1111
Каментары