Знік беларус, які збіраўся ляцець з Аўстрыі на канцэрт Каржа ў Франкфурце
22‑гадовы беларус Данііл Санін знік па дарозе з Аўстрыі ў нямецкі Франкфурт-на-Майне, куды збіраўся на канцэрт Макса Каржа. Пра знікненне свайго брата 14 кастрычніка паведаміла беларуска Настасся Саніна.
З 9 кастрычніка, калі ён павінен быў вылецець, хлопец не выходзіць на сувязь. Ягоны тэлефон адключаны, а цяперашняе месцазнаходжанне невядомае.
Данііл жыў і працаваў у польскім Плоцку, а ў Франкфурце яго чакалі сябры.
Пошукі падтрымліваюць прыхільнікі Макса Каржа: яны распаўсюджваюць абвесткі ў розных чатах і суполках. Інфармацыю пра знікненне таксама апублікаваў пошукава-выратавальны атрад «Анёл».
Данііл Санін мае рост 187 сантыметраў, спартыўны целасклад і блакітныя вочы. На правай руцэ ў яго татуіроўка з іерогліфамі і кветкамі, на спіне — са змяёй і кінжалам. Над верхняй губой ёсць шнар. Калі мужчына хвалюецца, ён заікаецца.
Цяпер чытаюць
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна40
Каментары