Расійскага вайскоўца Аляксея Каралёва, раней асуджанага да 11 гадоў калоніі за наркагандаль, абвінавачваюць у забойстве шасцярых саслужыўцаў і вымагальніцтве. Як паведамляе The Insider, справу разглядаюць у Данецку. Асобы ўсіх меркаваных ахвяр удалося пацвердзіць дзякуючы базам «Медыязоны» і «Рускай службы Бі-бі-сі».
Паводле звестак украінскага праекта «Хачу жыць», канфлікт адбыўся 24—25 кастрычніка 2025 года ў Харкаўскай вобласці. Прычынай стаў памылковы ўдар расійскага FPV-дрона па квадрацыкле, на якім ехалі вайскоўцы. Паміж байцамі 121‑га мотастралковага палка і разведчыкамі 27‑й мотастралковай брыгады ўзнікла сварка праз беспілотнік.
На наступны дзень, падчас новага сутыкнення, Каралёў, як мяркуецца, адкрыў агонь. Шасцёра вайскоўцаў загінулі, яшчэ двое атрымалі раненні.
Сярод загінулых быў 22‑гадовы Радзівон Кравец. Паводле звестак The Insider, раней ён служыў у вайсковай часці № 71330, звязанай з 16‑м цэнтрам ФСБ, які займаецца радыёэлектроннай разведкай і кібераперацыямі. Пазней Кравец значыўся ў 27‑й мотастралковай брыгадзе.
Каралёў раней неаднаразова быў судзімы за крадзяжы, разбой і іншыя злачынствы. У 2023 годзе яго асудзілі да 11 гадоў калоніі асаблівага рэжыму за замах на збыт наркотыкаў у асабліва буйным памеры. Аднак пазней ён апынуўся на фронце.
Цяпер яму выставілі абвінавачанні ў забойстве дзвюх або больш асоб і вымагальніцтве. Судовыя пасяджэнні праходзяць у закрытым рэжыме.
Расійскі зэк-вайсковец пакрыўдзіўся на слова «апушчаны» і расстраляў шэсць саслужыўцаў
Расійскі камбат пасварыўся з начальнікам і прапаў назаўсёды. Той урэшце прызнаўся ў забойстве — але пасля расстралялі і яго
Расіяне расстралялі ў Пакроўску семярых мясцовых жыхароў, якія не эвакуяваліся і хаваліся ў падвале
Пад Данецкам расійскі вайсковец злавіў жонку з палюбоўнікам, вывез яго ў поле і расстраляў з аўтамата
Ахматавец у Курскай вобласці расстраляў краму з гранатамёта. Z-каналы заклікалі пакараць яго, але позна
Цяпер чытаюць
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна43
Каментары
Нейкі "Джон Уік")