Тры пажары ў Гродзенскай вобласці адбыліся з-за ўдару маланкі, паведамілі ў Гродзенскім абласным упраўленні МНС.
Увечары 17 чэрвеня паступіла паведамленне аб пажары ў жылым доме ў в. Дзяляцічы Навагрудскага раёна. Агнём знішчаны дах, пашкоджаныя перакрыцце, сцены і маёмасць у доме. У выніку пажару з-за ўдару маланкі пашкоджаны дах жылога дома ў д.Трычы Гродзенскага раёна. Згарэла гаспадарчая пабудова ў в. Малая Нявіша Шчучынскага раёна, меркаваная прычына пажару — удар маланкі.
У Гродзенскай вобласці за суткі ўсяго адбылося 6 пажараў. Сваю лепту ў статыстыку ўнесла і неасцярожнае абыходжанне з агнём. У пас. Берагавы Гродзенскага раёна здарыўся пажар у прычэпе-вагончыку з вуллямі (тры вулля згарэлі). Знішчаныя агнём гаспадарчая пабудова і дах жылога дома ў в. Свярплевічы Дзятлаўскага раёна, пашкоджаны перакрыцце, сцены і маёмасць у доме.
У 21.25 17 чэрвеня паступіла паведамленне аб загаранні паніжальнага трансфарматара ў в. Хвайняны Гродзенскага раёна. Пашкоджаная абмотка трансфарматара. Як мяркуецца, прычына пажару — кароткае замыканне абмоткі.
Паводле паведамлення АУМНС, наступствы праходжання навальніцы і моцнага ветру адчулі ў Гродне і 9 раёнах вобласці. Зафіксавана 74 выпадкі падзення дрэў на праезную частку, лініі электраперадачы і будынкі.
Цяпер чытаюць
Бяспалаў намаляваў людзей са сцягамі ў цэнтры Мінска і адправіў фота ў міліцыю. З’ехаліся тры машыны з мігалкамі53
Каментары