Усебеларускі народны сход не можа быць прызнаны легітымным выразнікам волі беларускага народа, бо сфармаваны дырэктыўна органамі выканаўчай улады і не з'яўляецца органам народаўладдзя. Пра гэта гаворыцца ў заяве сойма Партыі БНФ, прынятай 18 чэрвеня.
«У сувязі з тым што на так званым народным сходзе будуць прысутнічаць толькі і выключна прыхільнікі эканамічнага і палітычнага курсу дзейнай улады, гэты орган не здольны выканаць задачу нацыянальнай кансалідацыі перад абліччам актуальных геапалітычных выклікаў, з якімі сутыкаецца наша краіна», — падкрэсліваецца ў заяве.
Скліканне напярэдадні парламенцкіх выбараў «неканстытуцыйнага органа, які закліканы без дыскусій і абмеркаванняў ухваляць любыя прапановы ўрада і прэзідэнта», на думку Партыі БНФ, «красамоўна сведчыць пра адсутнасць дэмакратыі і парламентарызму ў Беларусі».
Замест «дэкаратыўнага народнага сходу», зазначаецца ў заяве, беларусам патрэбныя сапраўдныя інстытуты нацыянальнай дзяржавы: сфармаваны на свабодных і дэмакратычных выбарах парламент, у якім прадстаўленае рознае бачанне развіцця краіны і розныя палітычныя плыні, увасобленыя ў палітычных партыях; адказны перад парламентам урад; рэальная прававая дзяржава, якая дзейнічае ва ўмовах падзелу галін улады.
Для Партыі БНФ, гаворыцца ў дакуменце, як для партыі нацыянальна-дэмакратычных каштоўнасцяў асноватворнымі прынцыпамі з'яўляюцца адстойванне нацыянальных інтарэсаў і воля беларускага народа.
«Адзіным легітымным для ўсяго грамадства спосабам выяўленнем волі народа з'яўляюцца выбары. Менавіта правядзенне свабодных і справядлівых выбараў у адпаведнасці з беларускім заканадаўствам і пры выкананні ўмоў роўнасці кандыдатаў будзе азначаць вяртанне ў Беларусь сапраўднага парламентарызму і народаўладдзя», — падкрэсліваецца ў заяве.
Пяты Усебеларускі народны сход адбудзецца 22—23 чэрвеня ў Мінску. На яго абмеркаванне будуць вынесеныя асноўныя палажэнні Праграмы сацыяльна-эканамічнага развіцця Рэспублікі Беларусь на 2016—2020 гады.
Парламенцкія выбары ў Беларусі адбудуцца 11 верасня.
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі19
Слесар з Оршы бегаў ад войска на радзіме, каб пасля памерці за Пуціна. Перад адпраўкай на забой для яго закацілі дыскатэку з афрыканцамі
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю4949
Каментары