«Беларусбанк» першым у СНД укараніў тэхналогію анлайн-набыцця аблігацый, паведаміла прэс-служба банка.
Набыць каштоўныя паперы без камісій і наведвання банка можна з дапамогай сістэмы «Інтэрнэт-банкінг». Інтэрнэт-аблігацыі эмітаваныя ў бездакументарнай форме, гэта значыць у выглядзе запісаў на рахунках аналагічна безнаяўным грашам, і з'яўляюцца прасунутай версіяй традыцыйных папяровых аблігацый.
«Інтэрнэт-аблігацыі валодаюць шэрагам пераваг не толькі ў параўнанні з дакументарными аблігацыямі, але і з банкаўскімі дэпазітамі. Гэта і магчымасць набываць аблігацыі кругласутачна, не выходзячы з дома. Таксама без наведвання банка можна атрымаць фіксаваны даход па прывабнай стаўцы, — адзначыла дырэктар дэпартамента інвестыцый і каштоўных папер Маргарыта Лукашэнка. — І яшчэ вельмі важна, што цалкам выключана рызыка страты аблігацый, бо яны захоўваюцца на персаніфікаваным рахунку «дэпа» ў дэпазітарыі ААТ «ААБ Беларусбанк».
Першымі да размяшчэння праз сістэму «Інтэрнэт-банкінг» банк прапануе інтэрнэт-аблігацыі, намінаваныя ў доларах ЗША. Пры гэтым для іх набыцця не абавязкова быць уладальнікам валютнай плацежнай карты банка — аплату можна зрабіць і з карты ў беларускіх рублях.
Продажы пачынаюцца 27 чэрвеня 2016 года. З больш падрабязнай інфармацыяй пра новы прадукт банка можна азнаёміцца на яго сайце.
Цяпер чытаюць
Ціханоўская: Дзеці не пераехалі ў ЗША, а проста часова будуць з татам дзеля бяспекі28
Каментары