Паседжаньне ў «працэсе чатырнаццаці» перанесена на панядзелак, на 9:30 раніцы.
Паседжаньне ў «працэсе чатырнаццаці» перанесена на панядзелак, на 9:30 раніцы.
Сакратар суду адмовіўся назваць журналістам прычыны пераносу паседжаньня, аднак, верагодна, гэтай зьвязана зь няяўкай сьведкаў.
Крымінальная справа супраць чатырнаццаці маладзёнаў была заведзеная за вулічныя пратэсты падчас акцыі прадпрымальнікаў 10 студзеня.
22 красавіка судзьдзя Алена Ільіна абвясьціла першыя прысуды па гэтай справе. Андрэй Кім быў асуджаны да паўтара году пазбаўленьня волі, Міхаіл Пашкевіч, Тацяна Цішкевіч, Міхаіл Крываў, Аляксей Бондар, Арцём Дубскі, Алесь Стральцоў, Алесь Чарнышоў атрымалі па 2 гады абмежаваньня волі без накіраваньня ў калёніі адкрытага тыпу. Нарэшце, Антона Койпіша і Ўладзімера Сяргеева пакаралі 3,5-мільённымі штрафамі.
На гэты раз на лаве падсудных — яшчэ трое фігурантаў справы — Міхаіл Субач, Павал Вінаградаў і непаўналетні Максім Дашук. Яшчэ адзін абвінавачаны Аляксандар Баразенка, які цяпер навучаецца ва Ўроцлаве, з прычыны крымінальнага перасьледу прыняў рашэньне не вяртацца на Радзіму. Яго аб’явілі ў вышук.
Цяпер чытаюць
«Чаму я павінен даказваць, што не дармаед?» Прадпрымальніка з Гомеля памылкова запісалі ў незанятыя — ён даведаўся толькі пасля вялізных рахункаў за камуналку22
Каментары