Папскі легат абмеркаваў з Макеем магчымасць візіту Папы ў Беларусь
Міністар замежных спраў Беларусі Уладзімір Макей і папскі легат арцыбіскуп Вены кардынал Крыстаф Шонбарн на сустрэчы 1 ліпеня ў Мінску абмяркоўвалі магчымасць візыту папы рымскага Францішка ў Беларусь.
Пра падрабязнасці сустрэчы з кіраўніком беларускага замежнапалітычнага ведамства пасланнік пантыфіка распавёў у інтэрв'ю афіцыйнаму парталу Рымска-каталіцкага касцёла ў Беларусі.
Кардынал Шонбарн наведаў Беларусь на мінулым тыдні. У якасці асабістага пасланца папы Францішка ён узяў удзел ва ўрачыстасцях з нагоды 25-годдзя абвяшчэння Мінска-Магілёўскай мітраполіі.
На сустрэчы з кіраўніком беларускага МЗС, паводле словаў арцыбіскупа Вены, былі ўзнятыя пытанні свабоды рэлігіі, правоў чалавека на свабоду веравызнання, міру ва Украіне.
«Мы, вядома, казалі ў тым ліку і пра апошні візіт беларускага прэзідэнта ў Ватыкан і яго сустрэчу з папам Францішкам, — сказаў кардынал. — Таксама абмяркоўвалі шанцы таго, ці магчымы быў бы візыт у адказ і якія перадумовы павінны для гэтага быць».
-
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
-
«Байсол» абвінаваціў Стрыжака ў адмове перадаць кантроль над юрыдычнымі асобамі ў Польшчы і ЗША
-
Дэпартаваным палітвязням, каб абжыцца на новым месцы, зараз трэба простыя рэчы: вопратка, посуд, пасцель — збор
Цяпер чытаюць
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі1111
Каментары