У судзе Цэнтральнага раёна Мінску працягваецца разгляд рэзананснай справы па абвінавачванні ў махлярстве Уладзіміра і Казбека Япрынцавых ды Аляксандра Арабяна. У чацвер працягнуўся допыт Уладзіміра Япрынцава.
Пытанні абвінавачанаму зададаў, у прыватнасці, пацярпелы Юрый Савяк:
— У мяне адно пытанне — грошы будуць вяртацца? Доля мяне не цікавіць.
— Калі вы сцвярджаеце, што грошы не Маміяшвілі, будзем сядаць і размаўляць, — адказаў Япрынцаў.
— Доля зваротная — ты яе атрымаеш назад!
— Толькі тады яна каштавала 300 млн даляраў, а цяпер невядома колькі, — прагучала рэпліка з залы
— Усё будзе, як дамаўляліся! Я збіраўся і збіраюся аддаваць грошы! Я калі-небудзь па-іншаму рабіў?
- Гэта ўсё іх хлусня (Казбека і Арабяна)… Пад 12% гадавых прыцягнутыя грошы! Я закрываю даўгі! — абураўся Савяк.
Адвакат Япрынцава Сяргей Буякевіч пацікавіўся ў падабароннага, «чаму Чыж кажа, што ў вас ёсць афшорныя кампаніі, калі ведаў, што ў вас іх няма?»
— Гэта пытанне выхавання і прыстойнасці. Думаю, хацеў мяне глыбей сюды …
— У вас якая была мэта пры напісанні гарантыйных лістоў?
- Падтрымаць сына. Я гэтага не хаваў і не хаваю. Мне сказалі, грошы Маміяшвілі, Аксенцьева і [яго жонкі] Надзеі, долю трэба перапісаць на іх. Я спадзяваўся і спадзяюся, што калі разлічуся, вернуць і долю, і мае распіскі на 33 млн даляраў.
— Юра, — звярнуўся Япрынцаў да Савяка, — я разумею, што табе трэба перавесці грошы на кампанію, я б усё для гэтага зрабіў. Але вы прымушаеце мяне абараняцца! Не магу я прызнаць, што Другую сусветную пачаў!
На пытанне, колькі грошай паспеў вярнуць Маміяшвілі і кампаніі, Япрынцаў адказаў: «за 1,3 млн даляраў аддаў праз сяброў, былі тады Савяк і Маміяшвілі, усяго 1,55 млн даляраў аддаў».
— У верасні я б пачаў вам плаціць — продаж «Кемпінскага» быў — усё было на фінішнай прамой, але калі нас пасадзілі … Долю перааформілі 19 жніўня — ужо без нас нейкім чароўным чынам усё сарвалася.
Раней паведамлялася, што дакументы па пераафармленні долі Япрынцава ў «Трайпле» пачалі падпісваць у ліпені 2015 года.
На пытанне адваката аб кошце долі Япрынцаў адказаў:
— Думаю, мінімум 100 млн мая доля каштавала. Мінімум. Яна ўсё пакрывала. Таму і не прасілі маю долю ў «Трайплфарме», «Ракаўскім бровары», іншых кампаніях, дом мой не прасілі.
Цяпер чытаюць
Хто такі Мацвей Бяляй, якога нібыта дэпартавалі ў Беларусь? Расказваем гісторыю дзіўнага актывіста з падазроным мінулым2
Каментары