Арцемій Лебедзеў: «Пакуль усе трымаюць беларусаў за калгаснікаў, яны пакрысе захопліваюць свет»
Найвядомейшы расійскі дызайнер Арцемій Лебедзеў станоўча адазваўся аб брэндаванні самалёта кампаніі «Белавія» рэкламай гульні World of Tanks, паведамляе kv.by.«Пакуль усе трымаюць беларусаў за калгаснікаў, яны пакрысе захопліваюць свет. Малайцы, чо», — напісаў ён.
Ацаніць дызайн самалёта Лебедзеву прапанаваў адзін з чытачоў яго сайта. «Арцемій, як вам сумесная праца «Белавія» і «Варгеймінга»?» — напісаў чытач пад нікам Макс. У рубрыцы «Бізнэс-Лінч» супрацоўнікі студыі, уключна з самім Арцеміем Лебедзевым, рэгулярна публікуюць меркаванні аб розных дызайн-праектах, разбіраючы памылкі і недахопы, дапушчаныя, на іх погляд, распрацоўшчыкамі гэтых праектаў.
Нагадаем, сумесны праект па брэндаванні самалёта «Белавія» і Wargaming прэзентавалі 29 ліпеня.
Каментары