Даклад генеральнага пракурора Аляксандра Канюка аб стане крымінагеннай сітуацыі і рабоце органаў пракуратуры заслухаў 23 жніўня Аляксандр Лукашэнка.
На мерапрыемстве таксама прысутнічалі прадстаўнікі іншых сілавых структур, кіраўніцтва Адміністрацыі прэзідэнта і дзяржсакратарыята Савета бяспекі.
Паводле слоў Аляксандра Лукашэнкі, якія прыводзіць прэс-служба кіраўніка дзяржавы, пашыраны фармат мерапрыемства звязаны з нядаўняй глыбокай рэформай у праваахоўнай сістэме. «Мяне цікавіць праца пракуратуры за гэты перыяд часу, наколькі яна ў новых умовах пасля рэфармавання і структурных пераўтварэнняў эфектыўна функцыянуе», — сказаў афіцыйны лідар.
Як было адзначана па выніках дакладу, у дзейнасці пракуратуры маецца тэндэнцыя ўсё большага пераходу пракурорскага нагляду ў эканамічную сферу. Лукашэнка «ў цэлым станоўча ацаніў стан спраў у органах пракуратуры», але даручыў «ліквідаваць асобныя недахопы».
Абмеркаваныя некаторыя кадравыя пытанні, падрыхтоўка да правядзення ў Мінску ў пачатку верасня каардынацыйнай нарады генеральных пракурораў краін СНД.
«Што тычыцца крымінагеннай сітуацыі, то ў параўнанні з мінулым годам яна практычна не змянілася. Разам з тым у якасці станоўчага моманту адзначаецца меншая колькасць забойстваў. І ў цэлым у апошнія гады мае месца тэндэнцыя скарачэння злачыннасці», — гаворыцца ў рэлізе.
Цяпер чытаюць
«Соевыя экстрэмісты павінны адпрацаваць міску клубніц». Скардзіўся на ўмовы працы ў КДБ, а цяпер уцюхвае трэнінгі сілавікам — хто такі Антон Шабуневіч1919
Каментары