Вышэйшы адміністрацыйны суд Францыі прыпыніў дзеянне забароны на нашэнне на пляжах мусульманскага купальнага касцюма буркіні, які цалкам закрывае цела.
AFP
Забарона на з'яўленне ў буркіні на пляжах некаторых французскіх гарадоў абскардзіла група праваабаронцаў з Лігі па абароне правоў чалавека.
У канцы ліпеня — пачатку жніўня ўлады сямі гарадоў на ўзбярэжжы Францыі наклалі забарону на з'яўленне на пляжах горада жанчын у буркіні з меркаванняў бяспекі і грамадскага парадку. Парушальнікам забароны пагражае штраф і выправаджэнне з пляжу.
Паводле звестак праваабаронцаў, за апошнія два тыдні ў французскай Рыўеры за з'яўленне ў буркіні былі аштрафаваныя 16 жанчын. Праваабаронцы лічаць гэтыя штрафы парушэннем правоў мусульман.
«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню16
Каментары